Засгийн газрын хэрэгжүүлэгч агентлаг Эрүүл мэндийн даатгалын ерөнхий газар нь өрх, сум, тосгоны Эрүүл мэндийн төвөөс зарим сэргээн засах тусламж, үйлчилгээ, гэрээр үзүүлэх тусламж, үйлчилгээ үзүүлэх, өдрийн эмчилгээ, оношилгоо, шинжилгээний тусламж, үйлчилгээ үзүүлэх төв, орон нутгийн өрх, сум, тосгоны Эрүүл мэндийн төвүүдийг сонгон шалгаруулах үйл ажиллагааг улсын хэмжээнд зохион байгуулах гэж байна.
Энэхүү сонгон шалгаруулалтын үйл ажиллагаа нь Эрүүл мэндийн даатгалын үндэсний зөвлөлийн 2018 оны 09 дүгээр тогтоолоор баталсан “Эрүүл мэндийн даатгалын сангаас зардлын төлбөрийг нь хариуцах эрүүл мэндийн тусламж үйлчилгээ үзүүлэх байгууллагыг сонгон шалгаруулах журам”-ын хүрээнд явагдана.
Иймд төв, орон нутагт үйл ажиллагаа явуулж байгаа, өрх, сум, тосгоны Эрүүл мэндийн төвүүдийг сонгон шалгаруулалтад урьж байна.
Сонгон шалгаруулалтад оролцох хүсэлтэй байгууллагуудын материалыг 2020 оны 11 дүгээр сарын 10-ны өдрөөс 11 дүгээр сарын 24-ний өдөр хүртэлх хугацаанд өдөр бүр Эрүүл мэндийн даатгалын ерөнхий газрын 502 тоот өрөөнд хүлээн авна.
Сонгон шалгаруулалтад бүрдүүлэх баримт бичгийн жагсаалт:
- Сонгон шалгаруулалтад оролцох тухай байгууллагын албан хүсэлт (үзүүлэх тусламж, үйлчилгээ, төрлийг тусгах);
- Байгууллагын танилцуулга;
- Улсын бүртгэлийн болон эрүүл мэндийн чиглэлээр мэргэжлийн үйл ажиллагаа эрхлэх тусгай зөвшөөрлийн гэрчилгээ, магадлан итгэмжлэлийн хуулбар;
- Эрүүл мэндийн даатгалын сангаас зардлын төлбөрийг нь хариуцах өрх, сум, тосгоны Эрүүл мэндийн төвөөс үзүүлэх багц тусламж үйлчилгээнд шаардлагатай багаж, тоног төхөөрөмж, техник хэрэгслийн жагсаалт (фото зураг);
- Хүний нөөцийн мэдээлэл (бүтэц орон тоо баталсан тушаал, хөдөлмөрийн гэрээ, диплом, үнэмлэх, мэргэжлийн үйл ажиллагаа эрхлэх зөвшөөрлийн гэрчилгээний хуулбар);
- Өрхийн эрүүл мэндийн төвийн гүйцэтгэлийн гэрээний биелэлт (сум, тосгоны Эрүүл мэндийн төвүүд аймгийн эрүүл мэндийн газрын үнэлгээг илрүүлэх);
- Цахим системд холбогдох боломжтойг нотлох баримт (интернетийн үйлчилгээний гэрээ, комьпютер, тоног төхөөрөмжийн хүчин чадал, жагсаалт);
- Нийгмийн даатгалын шимтгэл төлөлтийн 2020 оны тайлан эхний 10 сарын байдлаар (НД-7, НД-8 маягтаар);
- Орлогын албан татварын 2020 оны эхний хагас жил, 3 дугаар улирлын тайлан;
- Сонгон шалгаруулалтад ирүүлсэн эрүүл мэндийн байгууллагуудын материалд ажлын хэсэг тухай бүр үнэлгээ хийж шийдвэр гарган ажиллана.
Бүрдүүлсэн баримт бичгийг ирүүлэх хаяг, хүлээн авах албан тушаалтан:
Улаанбаатар хот, Хан-Уул дүүрэг, 3 дугаар хороо, Эрүүл мэндийн даатгалын ерөнхий газрын байр, 502 тоот өрөө;
Сонгон шалгаруулах Ажлын хэсгийн нарийн бичгийн дарга Ш.Сэлэнгэ /Холбоо барих утасны дугаар 99006318/
