Эрүүл мэндийн даатгалын ерөнхий газрын дарга Л.Бямбасүрэн Эрүүл мэндийн даатгалын тухай хууль, Төсвийн тухай хууль болон холбогдох хуулиудын шинэчлэлттэй холбоотой цаашид хийгдэх ажлуудын талаар Санхүү, төлбөрийн хэлтсийн ажилтнуудтай уулзаж үүрэг, чиглэл өглөө.

– Санхүүгийн ил тод байдлыг хангаж Шилэн дансны мэдээллийг олон нийтэд нээлттэй хүргэх,
– Бараа, ажил, үйлчилгээ худалдан авах талаар анхан шатны бичиг баримтын бүрдүүлэлтийг сайжруулах, нэг худалдан авагчийн зарчимд шилжихэд гүйцэтгэлийн санхүүжилтэд анхаарч ажиллах,
– Үндэсний хөтөлбөрүүдийн санхүүжилтийн төлөвлөлт, гүйцэтгэлд дүн шинжилгээ хийх,
– 11-р сараас бүх эмийн сангууд хөнгөлөлттэй эмээр иргэдэд үйлчилж эхлэхтэй холбоотой ажилд сайтар анхаарч, бэлтгэл ажил хангах.