ЭМДЕГ, Азийн хөгжлийн банкны “Эрүүл мэндийн салбарын санхүүжилтийг сайжруулах” төслийн багтай хамтран “Нэхэмжлэлийн хяналт хийх журам”-ын дагуу эрүүл мэндийн тусламж, үйлчилгээний чанар болон төлбөрийн хяналтыг хэрхэн хэрэгжүүлэх талаар сургалт зохион байгууллаа.

Төвийн болон орон нутгийн 100 гаруй эмч, мэргэжилтнүүдийг хамруулсан тус сургалтын үеэр Азийн хөгжлийн банкны “Эрүүл мэндийн салбарын санхүүжилтийг сайжруулах” төслийн тусламж, үйлчилгээний чанар үнэлгээний зөвлөх Л.Баярцэцэг “Эрүүл мэндийн даатгалын байгууллагын тусламж, үйлчилгээний тогтолцоо”, “Хяналтын зохицуулалт, эрүүл мэндийн тусламж, үйлчилгээний хяналтын журам”, “Шалгуур үзүүлэлт тодорхойлох, үнэлэх” зэрэг сэдвийн хүрээнд хичээл зааж, эмч мэргэжилтнүүдийн сонирхсон асуултад хариулт өгсөн юм.