Эрүүл мэндийн даатгалын ерөнхий газрын дарга Л.Бямбасүрэн Олон нийттэй харилцах хэлтсийн ажилтнуудтай уулзаж дараахь үүрэг, чиглэл өглөө.
- Эрүүл мэндийн даатгалын хууль болон байгууллагын үйл ажиллагааг emd.gov.mn вэбсайт болон фэйсбүүк хуудсаар иргэд олон нийтэд шуурхай хүргэж, хөгжүүлэлтийг шинэчлэн сайжруулах,
- Эрүүл мэндийн даатгалын ач холбогдол, эрүүл мэндийн даатгалын сангаас авах тусламж үйлчилгээний талаар мэдээллийг иргэдэд сайтар сурталчилж, даатгалын сангийн орлогыг нэмэгдүүлэхэд анхаарч ажиллах,
- Аймгуудын эрүүл мэндийн даатгалын тасаг, гэрээт эрүүл мэндийн байгууллагуудтай хамтран хөдөө орон нутгийн иргэд даатгуулагчдад эрүүл мэндийн даатгалын ач холбогдлын талаар сурталчлах нээлттэй өдөрлөг зохион байгуулах,
- 11-р сараас бүх шатны эрүүл мэндийн байгууллагын эмч нар хөнгөлөлттэй олгодог эмийн цахим жор бичиж, бүх эмийн сангууд хөнгөлөлттэй эмээр иргэдэд үйлчилж эхлэх талаарх мэдээллийг олон нийтэд хүргэх,
- Хэрэглэгчтэй харилцах төвөөр үйлчлүүлэхээр ирсэн иргэдэд хөнгөн шуурхай үйлчилж, 1800-1363 утсаар ирүүлсэн иргэдийн санал хүсэлтийг шуурхай шийдвэрлэж мэдээллээр хангах талаар анхаарч ажиллах.